SBI సంచలన యాప్… ‘యొనో’.. ఇక డిజిటల్ బ్యాంకింగ్ సేవలు షురూ…

0
66

ఎస్‌బీఐ సంచలన యాప్… ‘యొనో’.. ఇక డిజిటల్ బ్యాంకింగ్ సేవలు షురూ…

సంప్రదాయ బ్యాంకింగ్ సర్వీసులకు భిన్నంగా దేశీయ బ్యాంకింగ్ దిగ్గజం ఎస్బీఐ సరికొత్త బ్యాంకింగ్ వేదికను సిద్ధం చేసింది. ‘యొనో’ (యూ వోన్లీ నీడ్ వన్) పేరుతో కొత్త యాప్ అందుబాటులోకి తీసుకువచ్చింది. డిజిటల్ బ్యాంకింగ్‌లో కీలక ముందడుగుగా భావిస్తున్న ఈ యాప్‌ను ఇప్పటికే ఎస్బీఐ విడుదల చేయగా… నేడు కేంద్ర ఆర్ధికమంత్రి అరుణ్ జైట్లీ అధికారికంగా ప్రారంభించనున్నారు.

యొనో.. యూ వోన్లీ నీడ్ వన్..

స్టేట్ బ్యాంక్ ఆఫ్ ఇండియా సరికొత్త యాప్ ‘యొనో’ను విడుదల చేసింది. తొలి డిజిటల్ బ్యాంకింగ్ వేదికగా చెబుతున్న ఈ యాప్ ద్వారా… వినియోగదారులు క్యాబ్ బుకింగ్స్, రెంటింగ్, వినోదం, డైనింగ్, ట్రావెల్, హోటల్స్ సహా దాదాపు 14 కేటగిరీల్లో చెల్లింపుల కోసం సులభంగా ఉపయోగించుకోవచ్చు.

 

డిస్కౌంట్లు, క్యాష్‌బ్యాక్ ఆఫర్లు

ఈ యాప్ ద్వారా డిస్కౌంట్లు, క్యాష్‌బ్యాక్ ఆఫర్లు అందించేందుకు ఎస్బీఐ దాదాపు 60 ఈ-కామర్స్ సంస్థలతో ఒప్పందం చేసుకుంది. అమెజాన్, ఉబెర్, ఓలా, మింత్రా, జబాంగ్, షాపర్స్ స్టాప్, ఎయిర్‌ బీఎన్బీ వంటి సంస్థలు ఇందులో ఉన్నాయి. యాప్, వెబ్ రెండువిధాలుగానూ యొనో అందుబాటులోకి వస్తోంది.

ఇక డిజిటల్ సేవలు…

ఆండ్రాయిడ్, ఐవోఎస్‌ ఆపరేటింగ్ సిస్టంలపై పనిచేసే యొనో… మొబైల్ ఫోన్ ద్వారానే డిజిటల్ ఖాతాలు తెరవడం (క్యాష్ డిపాజిట్, విత్‌డ్రా సేవలు మినహా), ఆన్‌లైన్ షాపింగ్, బుకింగ్‌లు, ఆర్డర్లు, అన్ని రకాల వాణిజ్య ఉత్పత్తుల కొనుగోలు సహా పలు సేవలు అందించనుంది.

పత్రాలు నింపే పనిలేకుండా…

ఎస్బీఐ తీసుకొచ్చిన కొత్త యాప్ ద్వారా ఫండ్ ట్రాన్స్‌ఫర్ చేయొచ్చు. ఎలాంటి పత్రాలు నింపే పనిలేకుండా ముందస్తు వ్యక్తిగత రుణాలు, ఫిక్స్‌డ్ డిపాజిట్లపై ఓవర్‌ డ్రాప్టులు కూడా పొందవచ్చు.

ఇంటి వద్ద నుంచే సేవలు…

ఇది వాస్తవానికి డిజిటల్ బ్యాంకే అయినప్పటికీ… ఎస్బీఐలో భాగంగానే ఉంటుందని ఎస్బీఐ ఎండీ పీకే గుప్త పేర్కొన్నారు. ఆధార్ నెంబరు, వన్‌టైమ్ పాస్‌వర్డ్‌ ధ్రువీకరణతో ఇంటి వద్ద నుంచే సేవలు అందుకోవచ్చునని వెల్లడించారు.

వన్ టైం బయోమెట్రిక్ ధ్రువీకరణతో…

ఆర్బీఐ నిబంధనల ప్రకారం బయోమెట్రిక్ అథెంటికేషన్ లేకుండా పరిమితికి మించి లావాదేవీలు జరిపే అవకాశం లేనందున.. బ్యాంకు ఏదో ఒక బ్రాంచిలో బయోమెట్రిక్ ప్రక్రియ పూర్తిచేసుకోవాల్సి ఉంటుంది. ఒక్కసారి బయోమెట్రిక్ ధ్రువీకరణ పూర్తయితే… ఇక డిజిటల్ లావాదేవీలకు ఎలాంటి ఆటంకాలు ఉండవు.

English summary:

State Bank of IndiaBSE -0.79 % (SBI) is set to launched comprehensive digital service platform ‘You Only Need One’ also known as YONO which is a omni digital platform that offers just about everything related to financial services and lifestyle products or services. Speaking to media about the product, SBI chairman Rajnish Kumar said, “The aim is that a customers should be able to avail all the financial services through this channel except depositing or withdrawing cash.”

LEAVE A REPLY

Please enter your comment!
Please enter your name here